အလိုမကျခရယ် စကားဝိုင်းတိ

အကျွန်စကားပြောကေ ကတ်သီးကတ်သတ်ပြောတတ်လို့ အငယ်ကပင် လူတိုင်းဘာမှာ အမုန်းခံရသည်။ လူတိကလဲ သူရို့ မျှော်လင့်ထားရယ် အတိုင်း တဖက်လူဘားက စကားတုံ့ ပြန်မှုကို မျှော်မှန်းထားကတ်သည် မှာ ဆိုးပါသည်။ ယေဇု နန့် မျှော်လင့်ထားရယ် စကားကို ပြန်လို့မကြေားရခါ ကသိကအောက် ဖြစ်ကတ်ရသည်။ မတတ်နိုင်ပါ။ အကျွန့် ၀သီအတိုင်း ကိုယ်မသျှင်းစွာကို သျှင်းအောင်၊ ကြေနပ်အောင် ပြန်မိန်းရမှ ကြေနပ်သည်။ မိမိ စိတ်သဘောထားကို တောင်းလာကေလဲ မိမိတာဝန်အတိုင်း တဘက်လူကြိုက်ကြိုက်၊ မကြိုက်ကြိုက် ပြန်ပြောရမှ နိန်သာထိုင်သာဟိပါသည်။ အကျွန့်အယူအဆကို လက်ခံရဖို့လို့ အားဓမ္မ တိုက်တွန်းခြင်းမဟုတ်ပါ။ အဖြေတောင်းလာလို့ ဖြေယှင်းချက် ပီးမိခြင်းသာဖြစ်သည်။ အခါခါ တော့ လူတိက စကားပြောကေ ၀ါတာဖော်လို ဖိရ်ှဖောလို( water follow fish follw) ပြောကေကောင်းရယ် လို့ သင်ပြဖူးပါသည်။ အကြောင်းအရာ တခုကို မိမိလက်မခံ နိုင်ဘဲ ပစပိတ်ဂေါင်းညိတ်ခြင်းမှာ ရင်ဘတ်ကို ဆယ်ပေါင်လောက်လီးရယ် ကျမွိန့်နန့် အထုခံရစွာထက် အခံရခက်ပါသည်။

တခါက အကျွန့် အဖက အကျွန့်ကို ဥာဏ်ပွင့်လင်းခြင်းနန့် ပတ်သက်လို့ မိန့်ခွန်းခြွေဖူးသည်။ သူ့  အယူအဆက စစောအိပ်ပြီးကေ စစောထပါက ဥာဏ်ပွင့်လင်းပြီးကေ ကျမ်းမာရီးနန့်လဲ ညီညွတ်ကြောင်းပြောပြဖို့အတွက် အကျွန့်ကို “စစောအိပ်ပြီးကေ စစော ထကေ မင်း…လန်းလို့ဆန်းလို့မတွိလား” ဆိုပြီးကေ မိန်းသည်။

အကျွန်ကလဲ “တွိရယ် ပါပါ” လို့ပြန်ဖြေသည်။ သူကဆက်ပြောသည်။

“နောက်ကျပြီးမှ အိပ်ရာဝင်ပြီးကေ နောက်ကျမှ အိပ်ရာက ထကေ ဂေါင်းတိ နောက်ကျူလို့မတွိလား”

“တွိပါရယ် ပါပါ” လို့အကျွန်ကဖြေသည်။

“ယေကေ…စစောအိပ်ပြီးကေ စစောအိပ်ရာက ထစွာမကောင်းလား” ဆိုပြီးကေ သူက နိဂုံးချုပ်ပနာမိန်းသည်။

အကျွန်က “မကောင်းပါလို့” ပြန်ဖြေခသည်။ သူလိုချင်သောအဖြေမှာ “ကောင်းရယ်” ဆိုရယ် အဖြေဖြစ်သည်။ ယေလဲ လိုချင်ရယ်အဖြေကို မရမှာ ကောင်းကြိုက်ပုံမပေါ်ခပါ။ အကျွန်စိုင်းစားပုံမှာ အေပိုင်ဖြစ်ပါသည်။ အိပ်ရာကထလို့ ဂေါင်းလန်းဆန်းစွာ၊ နောက်ကျူစွာ နန့် အိပ်ရာဝင်ခြင်းအလေ့ အထ နှစ်ခုကို ကောင်းသည်၊ ဆိုးသည်လို့ သတ်မှတ်လို့မရပါ။ အိပ်ရာဝင်နောက်ကျပြီးကေ မိုးထဖ နောက်ကျမှထလို့ ဂေါင်းနောက်ကျူကေလဲ ယင်းအလေ့အထကို ကြိုက်တေလူတိဟိပါသည်။ အကျွန်လဲ ညဥ့်ငှက်လူသား ဖြစ်လို့ ညဥ့်အခါ အလုပ်လုပ်ရမှ စိတ်ဝင်စားပါသည်။ မိုးထ ဂေါင်း မကြိုင်မလင်ဖြစ်ဖို့စွာကို အလေးမထားပါ။ ယေဇု နန့် အကျွန့်အတွက် ဂေါင်းမကြိုင်မလင်ဖြစ်တေ နည်းက ကောင်းပါသည်။ ယေဒါလဲ ကာလအလိုက် သူ့ အကြိုက်စရိုက်ညီထွေ မကျင့်တတ်ခခါ ပါပါဘားက ယင်းနိန့် မုန့် စားဖို့ ဖေသာအပိုမရခါပါ။

နောက်အဖြစ်အပျက်တခု အကျွန်ကြုံဖူးပါသည်။ လူတယောက်နန့် အကျွန် ဇရက်မင်းစီးစည်တတူခံစားကတ်ယင်း၊ ယင်းလူဧ။် အမျိုးသားရီး ပေါ်လစီတခုကို လက်တွိမကျလို့ထင်လို့ နှိုက်နှိုက်ချွတ်ချွတ်မိန်းဖူးပါသည်။ အဖက်ဖက်က ဝေဖန်သုံးသတ်ကြည့်ပါသည်။ အဆိုပါလူမှာ အကျွန့်ဧ။် မိန်းမြန်းချက်တိကို မကြိုက်လို့လား၊ မဖြေနိုင်လို့လားမသိ အကျွန်နန့် စကားပြောရစွာရယ် ကျွဲပါးစောင်းတီးစွာနန့် တူရယ် ဆိုပြီးကေပြောခသည်။ အကျွန်ရယ် “ကျွဲပါးစောင်းတီး”ဆိုရယ် စကားပုံကို အငယ်အတည်းက ကြားဖူးနားဝဟိပါသည်။ ယေလဲ သူဇာကို ဆိုလိုရယ်အသေအခြာ သိအောင် ယင်းစကားပုံကို ထပ်သျှင်းခိုင်းရပါသည်။ သူက ကျွဲပါးစောင်းတီးဆိုရယ် စကားပုံကို သုံနှုန်းရခြင်းမှာ- ကျွဲတိရယ် စောင်းသံကို နားမလည်ရယ်ပိုင် အကျွန်လဲ သူပြောရယ် စကားကို ကျွဲ စောင်းသံကိုနားမလည်ရယ် ပိုင် မလည်းခြင်းဖြစ်ကြောင်း ယှင်းပြပါသည်။ ပြသနာက ဒေမှာပြီးမလားပါ။ ကျွန်တော်မှာ ယှင်းစရာတိ၊ မိန်းစရာတိ ထပ်လို့ ပေါ်လာခပါသည်။ ယင်းဟင့်မှာ ကျွဲတိရယ် စောင်းသံကို နားမလည်ဆိုစွာကို အကျွန်ရို့ဘဇောင်ပိုင်သိပါလဲ။ ကျွဲမှာ လူထက်ကြီးရယ် နားရွက်နှစ်ဘက်ပါ ပါသည်။ ကျွဲ နားပင်းကလွဲလို့ ပုံမှန်ကျွဲတိရယ် အကြားအာရုံ နန့် အာရုံသိစိတ် ဟိကတ်စွာကျည်းယာ။ ခွီးကိုတောင်မှ လူက နာမေပီးထားကေ သူ့ နာမေခေါ်ကေ ခွီးက နားလည်ပါရယ်။ ယေဇု နန့် ကျွဲရယ် ယင်းစောင်းသံကို ကြားဖို့စွာကိုတော သေခြာပါသည်။ နောက်တခုစိုင်းစားရဖို့စွာက “နားလည်ခြင်း” နန့် “ခံစားခြင်း”ပါ။ ထပ်ဆိုပါမေ။ ကျွဲရယ် စောင်းသံကို နားလည်နိုင်ပါယင့်လား၊ ခံစားနိုင်ပါယင့်လား။ ဒေပိုင် စိုင်းစားကြည့်လို့ရပါရယ်။ နားကောင်းရယ် လူတယောက်က စောင်းသံကို တပြိုင်တည်းနားထောင်ရယ်အချိန်မာ ယင်းဂီတကို နားလည်နိုင်မှု နန့် ခံစားခြင်းတိရယ် နှစ်ဆင့် တိုးတက်ဖြစ်ပေါ်ပါသည်။ ဂီတကို နားလည်နိုင်မှုဆိုစွာက ထွက်ပေါ်လာရယ် ဂီတသံဧ။် ပျော့ပျောင်းမှု၊ ကြမ်းတမ်းခြင်းကို ဆိုလိုပါသည်။ ခံစားခြင်းဆိုစွာက ယင်းဂီတသံကို ကြားရခါ စိတ်ထဲက ကြိုက်နှစ်သက်ခြင်း၊ မကြိုက်နှစ်သက်ခြင်းကို ဆိုလိုပါသည်။ ဗုဒ္ဓ၀ါဒအရ တခုခုကိုကြားရဖို့အတွက် အသံထွက်ပေါ်ရယ် အရာတခု၊ အသံကိုလက်ခံလို့ရရယ် နားစည် ကောင်းကောင်းတခု နန့် ကြားသိစိတ်ဟိဖို့လိုသည်။ ယင်းအခြေအနေ သုံးရပ်နန့် ညီညွတ်ကေ ယင်းအသံကို နားလည်ပါသည်။ ယေဇု နန့် ယင်းအခြေအနေသုံးရပ်နန့် ညီညွတ်တေ ကျွဲတိလဲ အဆိုပါ စောင်းသံကို နားလည်ပါသည်။ တနည်း- ကြားနိုင်ပါသည်။ ယင်းအသံကို ကြားရခြင်းကို  ဖသ လို့ဆိုသမုတ်ကတ်ပါသည်။ ယင်းဖသကြောင့် ကြိုက်ခြင်း၊ မကြိုက်ခြင်း ဝေဒနာ ပေါ်ပါသည်။ ယေဇု နန့် ယင်း စောင်းသံကို ကြားရရယ်(နားလည်ရယ်) ကျွဲတိမှာလဲ ကြိုက်ခြင်း၊ မကြိုက်ခြင်း ဆိုပြီးကေ ဝေဒနာပေါ်ပေါက်ပါလိမ့်မေ။ သာဓက တခုအနိန်နန့် နသိုးတိကို အနီရောင် အ၀တ်ဟပ်ကို ပြကေ ခတ်ဖို့လုိုက်ခြင်းကို ကြည့်လို့ သူရို့မာ အနီရောင် အပေါ်မှာ မကြိုက်မနှစ်သက်ခြင်း ခံစားချက်ဟိကြောင်း သက်သီပြ နိုင်ပါသည်။ ယေဇု နန့် ကျွဲတိရယ် စောင်းသံကို နားလည်နိုင်ကြောင်းကောက်ချ ချနိုင်ပါသည်။ ယေဒါလဲ ယင်းစောင်းသံကိုပင် နားလည်နိုင်ပုံ၊ ခံစားပုံချင်း ကျွဲနန့် လူ တူဖို့လားမိန်းကေတော့ အကျွန်မဖြေတတ်ပါ။ သာယာပျော့ပျောင်းရယ် စောင်းသံကို ကြားရချိန်မာ အကျွန်ကတော့  လသာရယ် ညဥ့်တညဥ့်မှာ ရည်းစားနန့် ချိန်းတွိဖူးစွာကို သတိရ ခံစားချင်ခံစားပါဖို့။ ယင်းပိုင်ပျာယ်လဲ ကျွဲတိလဲ ယင်းစောင်းသံကို ကြားရချိန်မှာ သူ့ ရည်းစားနန့် တတူ လယ်ထွန်ခရယ်အချိန်ကို စိုင်းစားချင်စိုင်းစားပါဖို့။ အသူ သိခီပါဖို့လဲ။

အကျွန်က အထက်ပါအတိုင်း သျှင်းပြမှာ အဆိုပါလူမှာ အကျွန့် သျှင်းပြချက်ကို အကျိုးအကြောင်းခိုင်ခိုင်လုံလုံ ပြန်မပြောဘဲ ဘူး ခံလို့ရာနိန်ခသည်။ သူ့ အဆိုမှန်ကြောင်းရာ ထပ်ခါတလဲလဲ ပြောနိန်ခသည်။ အကျွန်က သူ့ ကို နောက်ဆုံးအနိန်နန့်…ယင်းလောက်ထိ ကျွဲတိ စောင်းသံကို နားမလည်လို့ ခိုင်ခိုင်မာမာပြောရလောက်အောင် အကို ကျွဲဖြစ်ဖူးလား လို့မိန်းလိုက်မိပါသည်။ ယေခါ ကာအလိုက် သူ့ အကြီုက်စရိုက်ညီထွေ မကျင့်တတ်ခရယ် ကျွန်တော်သည် သူ့ အိမ်က မိုးထဖသား လေးချက်တီးမှာ နှင်ချ ခံခရဖူးသည်။ ယေဇု နန့် ဟိဖို့ ထင်ပါသည် လူတိက ၀ါတာဖော်လို ဖိရှ် ဖော်လို လိုက်တတ်အောင် သင်ပြပီးကတ်စော်။