တခါက သျှင်ဘုရင်တပါးရယ် အကြောင်းအရာသုံးခုကို စိုင်းစားမိရယ်လတ်။ ယင်းဟင့်က ကိစ္စတခုကိုလုပ်ဖို့အတွက် ဇာအချိန်စွာ
အရေးကြီးဆုံးလဲ၊ ယပြီးကေ ဇာသူရယ်သူ့အတွက် စကားနားထောင်ဖို့အရီးကြီးဆုံးလဲ၊ နောက်ဆုံးတခုက ဇာအလုပ်ရယ်
သူအတွက်အရေးကြီးဆုံးလဲ ဆိုစွာတိဖြစ်ရယ်။ ယင်းပိုင်ရာသူသိနားလည်ကေ ဇာပင်လုပ်လုပ်ကျသျှုံးဖို့ မဟုတ်ပျာယ်လို့သူ
တွေးခရယ်။
ယေဇုနန့် ဇာအချိန်စွာလူတစ်ယောက် အတွက်အရေးကြီးဆုံးလဲ၊ ဇာလူစွာသူ့အတွက်အရေးကြီးဆုံးလဲ၊ဇာအလုပ်စွာသူ့အတွက်
အရေးကြီးဆုံးလဲ သူ့ကို သင်ပြပီးနိုင်ရယ်လူကို ဆုလာဒ်အကြီးမသန်ချဖို့ သူ့နိုင်ငံတ၀ှမ်းမာ ကြော်ငြာဖို့အတွက် စိတ်ကူးရမိခရယ်
လတ်။ ယင်းပိုင်နန့် သူ့ကို အဖြေကို ပီးဖို့လာရယ်တယောက်စကားကိုလဲ သူမနှစ်သက်ခလတ်။
တချို့လူတိက ပထမ မိန်းခွန်းအတွက် ပဇောင်ပိုင်အဖြေပီးကတ်တေလဲ ဆိုကေ၊ လူတယောက်ရယ် သူ့လုပ်ဖို့အလုပ်အတွက် အမှန်ကန်ဆုံးအချိန်ကိုသိဖို့အတွက် မလုပ်ခင်ကပင်ကြိုတင်လို့ နိန့်တိ လတိ ရက်တိကိုကြိုတင်အချိန်ဇယား ဆွဲထားရဖို့ဖြစ်ပြီးကေ
ယင်းအတိုင်းလိုက်နာ ကျင့်ကြံရဖို့လို့ အကြံပီးကတ်တေ။ယင်းပိုင်လုပ်ကေ အရာအားလုံးရယ် သင့်တင့်လျောက်ပတ်တေ အချိန်မာ
ပြီးလားဖို့လုိ့ပြောကတ်တေလတ်။တခြားလူတိက ယင်းပိုင် အမှုကိစ္စအားလုံးအတွက် ကြိုတင်ပြီးကေ အကောင်းဆုံးအချိန်တိကို
သတ်မှတ်ထားဖို့စွာက မဖြစ်နိုင်လို့ ငြင်းချက်ထုတ်ကတ်တေ။ ယေဇုနန့် သူရို့တိက ဖြစ်ပြီးလားခစွာတိအားလုံးကိုအာရုံစိုက်ပြီး
ကေရာ ယင်းဟင့်တိထဲက အလိုအပ်ဆုံးတိကိုရာ ရွီးခြယ် လုပ်ရဖို့လို့လဲပြောကတ်တေ။ နောက်လူတိကလဲ ဘလောက်ပင်
ဖြစ်ပြီးလခစွာတိကို အာရုံစိုက်စိုက် ဘုရင်တယောက်အနိန်နန့် အရာအားလုံးအတွက် အမှန်ကန်ဆုံးအချိန်ကို တယောက်တည်း
ဆုံးဖြစ်ဖို့က မဖြစ်နိုင်၊ ယေဇုနန့် အမှန်ကန်ဆုံးအချိန်ကိုဆုံးဖြတ်ပီးဖို့ ပညာဟိတိ စုထားရယ် အတိုင်ပင်ခံအဖွဲ့ တဖွဲ့  လိုရယ်လို့
တင်ပြခကတ်တေ။
တချို့က ယင်းအဖြေကို ထပ်လို့ငြင်းချက်ထုတ်ကတ်ပြန်ရယ်။ သူရို့ကပြောရယ်။ တချို့ကိစ္စတိကျကေတော့ယင်း ဘုရင့်အတိုင်ပင်ခံ
အဖွဲ့ က ဆုံးဖြတ်ချက်ပီးနိုင်ဖို့ အချိန်ကိုမစောင့် နိုင်ဘဲ အဂုလောလောလတ်လတ်ဆုံးဖြတ်ရဖို့ကိစ္စတိ ဖြစ်တေ။ ယေဇုနန့် အနာဂတ်မာ ဇာဖြစ်လာဖို့စွာကို ကြိုလို့သိရယ် အကြားအမြင်ရရယ်အဟောတော်မ တိနန့် တိုင်ပင်ရဖို့လို့ပြောကတ်တေ။ သူရို့တိက
ဇာအချိန်မာ ဇာလုပ်ရဖို့ လမ်းညွှန်ပီးနိုင်ဖို့လတ်။
ဒုတိယ မိန်းခွန်းအတွက်လဲ အားလုံးသူက တပြိုင်တည်း ပဇာပိုင်အဖြေပီးကတ်တေလဲဆိုကေ၊ လူတယောက်(ဘုရင်) အတွက် အရီးကြီးဆုံးပုဂ္ဂိုလ်က သူ့အတိုင်ပင်ခံအဖွဲကလူ၊ တချို့က ဘုရင်ကိုးကွယ်ရယ် မင်းဆြာ၊တချို့လူတိက ဘုရင့်သမားတော်၊
တချို့လူတိက ဘုရင့်စစ်သည်တော် ဆိုပြီကေ အဖြေပီးခကတ်တေလတ်။
တတိယမိန်းခွန်းဖြစ်တေ သူ့အတွက် ပဇာအလုပ်ရယ် အရေးအကြီးဆုံးလဲ ဆုိုစွာကိုတော့ တချို့တိက သိပ္ပံပညာ၊တချို့က စစ်ရေးအရာမာ ကျွမ်းကျင်မှု၊ တချို့က ဘာသာတရားကိုင်းရှိုင်းမှုဆိုပြီးကေ အဖြေပီးခကတ်တေ။
အဖြေအားလုံးရယ် တခုနန့်တခုမတူသိ တိုင်အောင် ဘုရင်ကလဲ မနှစ်သက်တေအတွက်နန့် တယောက်ကိုလဲဆုမပီးလိုက်လတ်။
ယေဒါလဲ သူနှစ်သက်လက်ခံ နိုင်ရယ် အဖြေတခုကို ရချင်သိမ့်ရယ် အာသီသ ဟိနိန်ရယ်အတွက်နန့် ဥာဏ်ပညာ နန့် ကျော်ဇော
ပနာ တောထဲမာ တယောက်တည်း အရည၀ါသီ ကျင့်ကြံနိန်ရယ်သူတော်စင်ဘားကို လားလို့ဒါဘဲ မိန်းဖို့ပျာယ်ဆိုပြီးကေ
ဆုံးဖြတ်ချက် ချ လိုက်တေ။
ယင်းသူတော်စင်ရယ် သစ်တောထဲမာ တယောက်တည်းနိန်စွာ ကြာလာပျာယ်ဖြစ်ပြီးကေ သာမန်လူတိကလွဲလို့တယောက်နန့်လဲ
အတွိမခံလုို့ပြောရယ်။ ယေဇုနန့် ဘုရင်ရယ် သာမန် အ၀တ်အစားတိဝတ်ပြီးကေ ယင်းသူတော်စင်နန့်တွိစောင် ထွက်ပါလတ်တေ။
သူတော်စင် နိန်ရယ် နိန်ရာ နားကို မရောက်ခင်တော့ သူ့မြင်းနန့်သက်တော်စောင့်တိကို အ၀ီးမာ ချန်ထားခပြီးကေ တယောက်တည်း
ထွက်လာခရယ်ဆိုဝါ။ ဘုရင် သူတော်စင်နားကို ရောက်တေအခါ သူတော်စင်ရယ် သူ့တဲရှိမာကျင်းတကျင်းတူးနိန်စွာကို တွိခရရယ်။ သူတော်စင်ကသူ့ကို မြင်ခါ နှုတ်ဆက်စကားဆိုပြီးကေ ကျင်းဆက်တူးနိန်ခရယ်လတ်။ သူတော်စင်ရယ် ခန္ဓာကိုယ် ပိန်ကြုံ့ပြီးကေ အင်အားမဟိရယ် အတွက်နန့် မြီသားကို စဖျာ နန့် တခါတူးလိုက်တိုင်း ညောင်းလို့ အသက်ပြင်းပြင်းတခေါက်စီသျှူလိုက်
ရရယ်လတ်။
ဘုရင်ရယ် သူတော်စင်နားကိုလားခပြီးကေ “အို…သူတော်စင်မြတ်…အသျှင့်ပါးတို့ မိန်းခွန်းသုံးခု မိန်းဖို အကျွန်တော် မင်းမြတ်
ရောက်ရှိ လာပါရယ်။ ပထမ မိန်းခွန်းက အမှန်ကန်ဆုံးအလုပ်ကို လုပ်ဖို့ ဇာအချိန်ရယ် အမှန်ဆုံးဖြစ်ပါဖို့လဲ။ ဒုတိယ မိန်းခွန်းက
ဇာလူကို အကျွန်က တခြားလူတိထက်ပိုပနာ အရေးစိုက်သင့်ပါလေ။ တတိယမိန်းခွန်းက ဇာကိစ္စတိစွာ အရေးကြီးဆုံးဖြစ်ပြီးကေ
ဦးစားပီးဖြေယှင်းသင့်ပါလဲ။ ယင်းဟင့်တိကို သိကေတချက်ဖြေကြားစီလို့ပါရယ်” လို့ပြောလိုက်တေ။
သူတော်စင်ရယ် တချက်နားထောင်ပြီးကေ တခုလဲမပြောဘဲ ကျင်းကို ဆက်တူးဖို့လုပ်လိုက်တေလတ်။ ယင်းခါဘုရင်က
“အသျှင် ညောင်းနိန်ပါပျာယ်၊ ကျွန်တော်တလှည့် ကျင်းတူးပီးပါရစီ” ဆိုပြီးကေ သူတော်စင်လက်ကစဖျာကို ယူလိုက်တေခါ
သူတော်စင်က “ကျေးဇူးတင်ရယ်” လို့ပြောပြီးကေ မြီမာ ထိုင်ချလိုက်တေလတ်။ဘုရင်ရယ် မြီနှစ်ကျင်းလောက်တူးပြီးကေ
တအောင့်ရပ်ပနာ ယင်းမိန်းခွန်းသုံးခုကို ပြန်မိန်းရယ်လတ်။ သူတော်စင်ကတခုလဲပြန်မပြောဘဲ ထရပ်ပနာ“စဖျာ တခေါက်ပီး
ငါတူးအုံးမေ တချက်” ဆိုပြီးကေ တောင်းလိုက်တေလတ်။
ဘုရင်ရယ် စဖျာကို မပီးဘဲ သူဘဲဆက်တူးနိန်လိုက်တေ လတ်။ ယင်းပိုင်နန့် တချက်တီး၊ တချက်တီး ကနိန်တဖြည်းဖြည်းနန့် နိန်လုံးရယ် သစ်ပင်တိနောက်ကို ၀င်ပနာပျောက်လားခခါ ဘုရင်ရယ် လက်ထဲက စဖျာကိုမြီမာ ချလိုက်ပြီးကေ “အို…သူတော်စင်၊
အသျှင်ထံဘားမာ အကျွန်တော်မင်းမြတ် မိန်းခွန်းသုံးခုကိုသိချင်လို့လာမိန်းခြင်းဖြစ်ပါသည်။မဖြေပီးနိုင်ဆိုကေ အကျွန်
နန်းတော်ကို ပြန်ဖို့ယာ” လို့ပြောလိုက်တေ။ ယင်းခါ သူတော်စင်က
“ဟောဟိုမာ လူတယောက်ပြီးလာန်ိန်ရယ်၊ အသူလေချက် လားကြည့်ကတ်မေ” ဆိုပြီးကေပြောလိုက်တေလတ်။ဘုရင်တဘက်
လှည့်ကြည့်လိုက်တေအခါ မဆမွှီး နန့်လူတယောက် တောအုပ်ထဲကနိန်ထွက်ပြီးလာစွာကို တွိလိုက်ရရယ်။ ယင်းလူရယ်
သူဝမ်းကို လက်တဖက်နန့် ဖိထားပြီးကေ ယင်းကနိန် သွီးတိ ထွက်နိန်ရယ်။ ဘုရင်နားကိုယင်းလူရောက်တေအခါ
သူရယ် ပျော့ခြွီ လဲကျလားခရယ်။ ဘုရင် နန့် သူတော်စင်ရယ် ယင်းလူ အ၀တ်ကိုဖြီကြည့်ကတ်တေအခါ ဒဏ်ရာအကြီးမသန်တ
ခုကိုတွိလိုက်ရရယ်လတ်။ ဘုရင်ရယ် သူ့ဒဏ်ရာကို ရီနန့် သေအခြာဆီးလိုက်ပြီးကေ သူတော်စင်ဘားက အ၀တ်တခုနန့်
ပတ်ပီးလိုက်တေ။ ယေဒါလဲ သွီးက မတိတ်နိုင်ခသိမ့်လို့ သွီးစိုလာရယ် အ၀တ်ကို ပြန်ဖြီ အသစ်ပြန်လို့ ပတ်ပီးယင့်နန့်
သွီးတိတ်အောင်ထိ လုပ်ခရရယ်။ နောက်ဆုံးသွီးအထွက်ရပ်လားခါ လူနာရယ် ရီသောက်ဖို့တောင်းလို့ ဘုရင်က သန်းယှင်း
လတ်ဆတ်တေ ရီတခွက် ခပ်ပီးလိုက်တေလတ်။ ယင်းအချိန် မာ နိန်လဲ ၀င်လားခပျာယ်ဖြစ်လို့ အအီးလဲဝင်လခပျာယ်ဖြစ်တေ။
ယေဇုနန့်ဘုရင်နန့် သူတော်စင်ရယ် လူနာကို တဲထဲကို ထမ်းသွင်းပြီးကေ အိပ်ရာထက်မာ တင်ထားလိုက်တေ။ လူနာရယ် ကုတင်မာ
လှဲယင် မျက်စိမှိတ်ပနာ ငြိမ်သက်နိန်ခရယ်။ ဘုရင်လဲ ကောင်းအလုပ်လုပ်ပလိုက် ရပျာယ်ဆိုခါ ပင်ပန်းလားခလို့ အနားမာ ဘဲ
ထိုးအိပ်ချလိုက်ရရယ်။ နောက်တရက် မိုးထသားအိပ်ရာက ထလာခါယင်း မဆမွှီး နန့် ထူးဆန်းရယ် လူရယ် သူ့ကို စူးသျှရယ်
အကြည့်နန့်စိုက်ကြည့်နိန် ခရယ်။ ယပြီးကေ သူကဘုရင်ကို “ကျွန်တော့်ကို ခွင့်လွှတ်ပါ ဘုရင်မင်းမြတ်” လို့ပြောလိုက်တေ။
ဘုရင်က “ငါက မင်းကို မသိကာ၊ ပဇာဖြစ်လို့ခွင့်လွတ်ရဖို့လဲ” လို့ပြန်ပြောလိုက်တေ။
ယင်းခါ မဆမွှီး နန့် လူက “ဘုရင်မင်းမြတ် ကျွန်တော်ကို မသိလဲ ကျွန်တော်ကသိပါရယ်၊ ကျွန်တော်အသျှင့်ရန်သူတယောက်
မိတ်ဆွေတယောက်ပါ။ အသျှင်က သူ့အကို ကိုကွပ်မျက်ပြီးကေ သူ့ပိုင်ဆိုင်မှုတိကိုယူလားခလို့ သူအစားလက်စားချေ
ဖို့ ကတိပြုထားပါရယ်။ အသျှင်သူတော်စင်ဘားကို လားခမှန်းသိလို့ပြန်လာရယ်လမ်းမာ သတ်ဖို့စောင့်နိန်ခစွာပါ။ ယေဒါလဲ
တရက်ကုန်လို့လဲ ပြန်မလာခါ အသျှင့်ကို ရှာဖို့ ပုန်းနိန်စွာကနိန် ထွက်လာစွာမာ အသျှင့် ကိုယ်ရံတော်တိ နန့်တွိလို့ တိုက်ခိုက်ယင်းနန့် ဒဏ်ရာအကြီးအကျယ်ရလာခစွာပါ၊ ကျွန်တော်ယင်းက နိန် လွတ်မြောက်ခကေလဲ အသျှင်နန့်ရာမတွိခကေ ဒေဒဏ်ရာနန့်သီနိုင်ပါ
ရယ်။ အစခါ ကျွန်တော်က အသျှင့်ကို သတ်ဖို့လုပ်ခပါရယ်။ အဂု အသျှင်က ကျွန်တော့်အသက်ကို ကယ်လိုက်ပါရယ်။ ယေဇု နန့်
အသျှင်မင်းကြီးပီးရယ် အသက်ရာဟိပါယာ၊ အသျှင့်ဘားမာ ကျွန်တော်မျိုးသစ္စာရည်သောက်ပနာ ကျွန်ခံပါမေ၊ ကျွန်တော့်ကို ခွင့်လွတ်ပါ” လို့ပြောလိုက်တေ။
ဘုရင်ရယ် အဂုပိုင် ရန်သူတယောက်နန့် ငြိမ်းချမ်းရီးရလားခလို့ ကောင်းကောင်း ၀မ်းမြောက်ဝမ်းသာ ဖြစ်လားခပြီးကေ သူကို မိတ်ဆွေတယောက်ပိုင်အသိအမှတ်ပြုပြီးကေ ခွင့်လွတ်တေ အပြင် သူ့အတွက် အငှားသားတိဆီးဆြာတိ လွတ်ပီးဖို့လို့ပြောပြီးကေ
သူ့ပိုင်ဆိုင်မှုတိအားလုံးကိုလဲ ပြန်ပီးဖို့လို့ကတိပီးလိုက်တေလတ်။ ယင်းလူထွက်လားခရယ် အခါ ဘုရင်ကလဲ သူပြန်ရဖို့ပျာယ်ဖြစ်
လို့ သူတော်စင်ကို နှုတ်ဆက်ဖို့ ရှာကြည့်လိုက်တေ။သူမလားခင်တော့ နောက်ဆုံးအနိန် နန့် သူသိချင်ရယ်မိန်းခွန်းသုံးခုကို
မိန်းကြည့်ခဖို့ ဆန္ဒဟိခရယ်။ သူတော်စင်ရယ် သူညကတူးခရယ် မြီကျင်းနားမာ ဒူးထောက်ထိုင်ပနာ သစ်စိ တိချနိန်စွာကို တွိခရရယ်။
ဘုရင်ရယ် သူတော်စင် နားကို ကပ်လားခပြီးကေ နောက်ဆုံးအနိန် နန့် သူ့မိန်းရယ်မိန်းခွန်းတိကို ဖြေကြားပီးဖို့တောင်းပန်ခရယ်။
သူတော်စင်က သူ့နားမာ လာရပ်နိန်ရယ် ဘုရင်ကို တချက်မော်ကြည့်လိုက်ပြီးကေ “အသျှင်ယင်းအဖြေတိကို ရခပျာယ်လေ”
လို့ပြောလိုက်တေ။ ဘုရင်က “ ဇာပိုင်ဖြေခစွာပါလဲ၊ ဇာကိုဆိုလိုစွာလဲ” ပြန်မိန်းလိုက်တေ။
“အသျှင်မသိလား၊ အသျှင်ရာညက ငါကို မသနားဘဲ မြီကျင်းကူမတူးပီးခဘဲ ပြန်လာလီဖို့ဆိုကေ ယင်းလူလက်ချက်နန့်အသတ်ခံ
ရဖို့လေ၊ ယပြီးကေ ငါ့ကို မကူညီခရယ်အတွက်နန့် နောင်တရဖို့။ ယေဇုနန့် သင်ငါနန့်ညကရှိနိန်ခရယ်အချိန်စွာ မင်းအတွက်
အကောင်းဆုံးအချိန်၊ ငါစွာမင်းအတွက်အရေးကြီးဆုံးလူ၊ ငါကို ကူညီပနာမြီကျင်းကူလို့တူးပီးခစွာ မင်းအတွက် အရေးကြီးဆုံးနန့်
အကောင်းဆုံးအလုပ်မနားယေ။ ယင်းမဆမွှီးနန့်လူ မင်းဘားကို ပြီးလာရယ်အခါ၊ ယင်းလူကို ဆီးကုပီးခရယ်အချိန်စွာ မင်းအတွက်အရေးကြီးဆုံးအချိန်၊ ဇာဖြစ်လို့ဆိုကေ အသျှင်ရာဆီးမကုပီးခကေ ယင်းလူသီလားပြီးကေ အသျှင်နန့်ငြိမ်းချမ်းရီးရ
ယူနိုင်ခဖို့မဟုတ်။ ယေဇုနန့်ယင်းလူရယ် အသျှင်အတွက် အရေးကြီးဆုံးလူတယောက်ဖြစ်ခပြီးကေ ယင်းလူအသက်ကိုကယ်
ခစွာရယ် အရေးကြီးဆုံးအလုပ်တခုဖြစ်ခရယ်။ အေး…လောလောစိုင် အသျှင့်အတွက် လက်ရှိဟိနိန်ရယ် ပစုပ္ပာန် အချိန်စွာ
အရေးကြီးဆုံးဖြစ်တေ။ ဇာလို့လဲဆိုကေ ဒေအချိန်မာ အသျှင့်လက်ထဲမာအာဏာဟိနိန်သိလို့ဖြစ်တေ။ အသျှင့်အတွက်
အရေးကြီးဆုံးလူက လက်ရှိ အသျှင့်နားမာ ဟိနိန်ရယ်လူ ဖြစ်တေ။ အရေးကြီးဆုံးတခုက ယင်းလူကို အသျှင်က ကောင်း
ကောင်းမွန်မွန်ဆက်ဆံပီးခြင်းဖြစ်တေ၊ဇာဖြစ်လို့ဆိုကေ လူသားတိရယ် ဒေပိုင်ပြုမူကျင့်ကြံဖို့ရာ လောကကြီးကိုရောက်လာ
ကတ်စွာမဟုတ်လား”
0 comments:
Post a Comment